今年最早的视帝视后新鲜出炉！是民心所向还是有爆冷？

自己无谂过会有奖拎，一直都觉得自己无可能会上台，原来我真系会care，所以真系好开心呀，一宣布嗰刻立即就喊。觉得好似五年以来嘅嘢好快喺我脑海飞过，多谢咁多人支持我同相信我，系咁喊可能系我一直以来嘅情绪，因为我唔识去表达自己，今次真系好多谢公司俾呢个奖励自己。

我对眼真系肿晒，未上台嗰阵王浩信、朱千雪同蔡思贝已经同我握晒手，我话唔好喇我已经忍唔住，再嗌我真系崩溃喇。其实上到台我已经开始定返，但系一讲嘢又忍唔住，不过见到好多人喺度笑紧，其实都几好笑，因为我将自己最真实嗰一面呈现咗出嚟。其实嗰一吓脑中真系一片空白，啲人话我讲咗好多嘢，其实我都唔知点解，最后要多谢返我屋企人！唔会咁快谂第二个奖喇，呢个可以揽住过廿年。

因为我哋识于微时，以前跳舞嗰时成日见面，可以一齐拎奖我都觉得好开心。首先都要多谢编审，系《使徒行者2》拍摄畀好多空间我，因为喺演嘅过程被我尝试好多剧本冇嘅嘢。身边好多朋友喺工作时候会较为忽略，无论屋企人定朋友，讲得难听啲，好似六亲不认咁。好多Send讯息嚟睇完都冇时间覆佢地，冇办法，呢个时间都系专心做嘢。

大奖呢个名同我演艺身涯一样咁长呀，哈哈，正如我头先讲，一个有年期嘅奖特別有意义。咁多年我最深刻嘅角色真系好多，例如西游记喇，近年嘅柴九同刘醒，同埋处境剧，好多好多难忘嘅回忆。最难忘捱得最辛苦紧系猪八戒，又要化妆又要顶住个肚喺大热天时出外境，套剧其实个个都好辛苦。柴九系另一样嘢，我人生嘅转捩点，所以一样都系咁难忘。

真系好大嘅感触，当年入《真情》之前我系真系好徬徨，好多谢珍姐佢哋邀请，得到好姨呢个角色，都要多谢监制同编剧，你估唔到呢个角色可以深入民心，大家都咁喜爱。前几日我坐飞机见到一班星加坡朋友，佢哋都仲系叫我做好姨，真系好似一幕幕重现喺我眼前，由呢个角色令我喺低谷企返起身，到而家儿女事业有成，真系好大嘅感触，真系要多谢TVB，同埋大家嘅支持，无你哋嘅支持唔会有今日嘅我。