最近呢排开始
大家有无发现身边好多人
都换咗新头像
而头像嘅风格
清一色都係咁嘅款
唔系讲笑
可乐君点开通讯录
真系闲闲地就搵出一堆
刷朋友圈或者微博嘅时候
十条有八条配图都系呢个风格嘅公仔
如果你无跟上呢个潮流
最近一定被刷屏刷到审美疲劳
呢个究竟係咩来？？？
佢就係可能係呢两个礼拜
最heat嘅app
近期「社交」类中排名NO.1嘅游戏
「ZEPETO」
虽然係一款社交App
不过佢嘅特征就係
你可以整一个自己出来
有同事无法理解呢个潮流
大嗌：呢个唔系QQ秀咩？？？
其实咁样谂嘅人都唔少
不过都阻止唔到呢个风潮
heat到爆
首先呢个app会要你提供一张
或者即影一张自拍
系统帮你整一个人偶出来
当然你可以通过各种调节
令佢更加似你
衫裤鞋袜全部都有
当然你想要靓D就要氪金
无错睇到呢度会觉得同
iPhone嘅Animoji整自己咁上下
不过「ZEPETO」係全身嘅
而且选择同细节位都比较多
整好咗自己之后
仲可以装饰自己“屋企”
然后就係呢个App最重要嘅功能
虚拟社交
你可以通过分享你嘅账号
令大家来加你
同虚拟嘅你合照
你都可以发表你嘅动态
而且你仲可以拥有
你嘅形象整出来嘅表情包
虽然成件事真系好QQ秀
但系呢个App真系爆heat
网上到处都系大家晒嘅虚拟合照
而且係喺外国都heat
ig上有四十一万贴文
仲变成晒恩爱嘅新形式
所以
你有玩吗？
留言分享你个id出来大家互相合照啦！
