[影视资讯] 黄子恒食粉丝形象插水，知衰戒色，靠新剧形象翻生？！

最近睇《机场特警》，

黄子恒嘅戏份，

真係OK多。

可能观众唔会太中意睇佢，

不过，

大家见到佢，

亦唔会太反感。

大家肯定都仲记得，

2018年嘅时候，

佢偷食粉丝嘅丑闻，

粉丝仲声称怀孕，

成件事一锅泡，

非常之令人震惊！！！！

佢亦加入新一代贱man行列。

单嘢炒到最高嘅时候，

《机场特警》正在拍摄中，

电视台当时都冇话要删佢D戏，

照继续拍，

话等拍完，

高层再睇睇点处理。

之后佢真係就冇点蒲头过，

剧集都变咗舱底货。

终于，

《机场特警》播出，

黄子恒都有参加宣传活动，

即係话，

佢要解冻了！！！

剧中佢係好男人，

man爆形象，

各位有咩观感？？？？？

宜家剧集播到中段，

佢都直认，

当时患上惊恐症：

“个段时间真係唔能够一个人匿埋喺屋企，最大影响 係抖唔到气，个心成日哽住，真 係影响到生命！虽然件事都过咗年几，但我仲食紧药。（ 后悔？）人生有好多个决定未必 係最好，但冇得后悔，最紧要 係吸取到教训，有得着，更加了解自己有啲乜嘢 係应唔应该做。”

佢又表示有为事件

付出沉重代价，

宜家见到异性都会避忌：

“如果真 係喜欢咗对方，我都有恐惧，所以宁愿将重心放喺事业，明知（感情）自己唔 係长处 ，就唔好执着。（有冇同嗰位女粉丝联络？）冇啦！依家拍拖都唔敢，唔谂会唔会打开心扉，就唔会去到之后嘅嘢。（轻松咗？）少啲杂念，对身边人都好啲。”

拍《机场特警》嘅时候，

拍档孙慧雪同王卓淇，

当时佢要避女色，

两位女演员对佢印象都OK。

孙慧雪话：“子恒佢好好，好专业，因为呢套剧 係我生完BB后拍嘅第一套剧，好紧张，佢不断鼓励我，仲话‘可以㗎！你自然啲啦’，所以我哋演得好有默契。”

佢都多谢公司冇放弃过，

惩罚过后给予机会。

睇翻佢即将有参与嘅剧，

剧量都OK，

有《爱美丽狂想曲》

《踩过界Ⅱ》

当然戏份方面，

肯定冇《机场特警》咁多啦，

变咗客串。

好多人都会行差踏错，

若然係真心悔过，

重来嘅机会，

係咪值得畀？

你觉得咧？